|هل نحن حاليا نعيش ف الفتره الاكثر عنف ف تاريخ البشريه ؟ لا اظن ذلك #بقلمي#|
-
مين محسش ان ده اسوء وقت للبشربه ؟ حروب اهليه ارهاب وقتل .. لحد دلوقتي عدد القتلي ف سوريا يقدر ب 400 الف .. ده غير الاصابات .. لو فيه حاجه واحده تقدر توصف الزمن الي احنا فيه ان ده اكتر زمن فيه عنف واكتر زمن فيه ارهاب اكتر زمن الحقوق ضايعه فيه.. ولا ؟
انا عارف ان الحماسه مع الصور بتخلي الواحد ينفعل وتبقا دي رؤيته للواقع.. بس صدقني لما اقولك ان حسب الاحصائيات ان ده اكتر وقت أمن ف تاريخ الامم ..لو حاسس ب عكس كده يبقا ده دليل اكتر ان احنا عايشين ف وقت أمن.. لان عندنا وسائل اعلاميه مش بيتستخبي عنها حاجه .. زمان كان بيحصل نفس الي بيحصل ده دلوقتي ومحدش كان بيعرف عنها حاجه!.. علي سبيل المثال ف الحرب العالميه التانيه قتل 60 مليون بني ادم.. هتقولي مهو كان قرن منيل ب ستين نيله واكيد زمان كان احسن !طب تعالي نكمل
سنه 755 في احد اعنف الحروب الاهليه ف تاريخ الصين و البشريه اختفي من سجلات البشريه اكتر من 20 مليون بني ادم ..اي نعم الحرب العالميه التانيه قتلت 60 مليون بني ادم .. بس دول كانو3% بس من سكان العالم .. لاكن ال 20 مليون بتوع الصين دول كانو 16/6% يعني سدس العالم.. سدس البشريه اتمحي من سجلات التاريخ من غير ما يكون فيه قنابل نوويه او اعلام يعملك افلام وثائقيه عن الحرب.. زمان كانت الدنيا اعنف بكتير ..زمان كانت الحرب بتكون بين الدول الغنيه والقويه عسكريا .. ودول هزارهم وحش اوي.. دلوقتي عادي جدا انك تصحي متلاقيش المانيا بتحارب انجلترا لاكن قبل عام 1400 كان تقريبا بتحصل حرب كل شهرين بين دول اوروبيه مختلفه
النهارده فيه كام حرب ف العالم ؟ قتلت كام واحد ؟ حوالي 10 او 12 حرب .. قتلت حوالي 20 مليون ف اخر 60 سنه .. انا مش هقارن ب قبلها ب 40 سنه مثلا لان قبلها كان فيه 2 حرب عالميه ورا بعض .. انا هرجع بالزمن شويه .. وكل ما نرجع بالزمن هتلاقي البشربه كانت سفاحه اكتر .. انا هقارن ب القرن ال 19 الي كان المفروض قرن مسالم .. حروب نابليون 4 مليون قتيل .. حرب التابينج الاهليه 20 مليون قتيل .. الحرب الاهليه الامريكيه 600 الف قتيل .. حرب التحالف الثلاقي الي قتلت اكتر من 60% من شعب البارجواي .. تخيل اكتر من نصف الدوله اختفت ! واخيرا حرب شاكا زولو ف افريقيا 1 مليون قتيل او 2 مليون ده طبعا غير الي بيقتلوه المستعمرين وطبعا زي ما قولت كل ما نرجع بالزمن اكتر هتلاقي ان البشريه كانت سفاحه اكتر
ماثيو وايت ف كتابه الكبير ف ابشع الاحداث ف تاريخ البشريه .. ولك ان تتخيل ان الحرب العالميه التانيه الي مات فيه 60 مليون كانت ف المركز ال 9 ضمن 10 ابشع حروب ف التاريخ ! ده ي راجل لحد 1940 مكنش فيه كلمه توصف الاباده الجماعيه .. المهم الي انا عاوز اقولو ان ده اكتر وقت أمن ف تاريخ البشريه والحقيقه مش انا الي بقول كده .. ستيفن بينكر دكتور ف جامعه هارفارد كتب كتاب 600 صفحه .. وعنوانه بعد الترجمه الملائكه الافضل ف طبيعتنا .. الي عاوز اقولو ان احنا ك بشربه قدرنا نتغلب علي غرائزنا الوحشيه وقدرنا نتغلب علي العنف .. وده معناه ان رغم ف الدول العربيه العنف زاد ولكن فيه امل ان العنف يوقف زي ما ف حتت كتير ف العالم العنف وقف
واتمني اكون افادتكم
-
هي اسوء فترة ليس لكون الحروب الاهلية منتشرة و عدد القتلى كبير
هي اسوء فترة للعرب و المسلمين فقط
ارى ان كل ما يحدث في العالم يروي غباء و خوف ثلث سكان العالم
حرب تشوه صورة المسلمين حيث صار الانسان يخجل ان يقول انني مسلم
حروب بين الطوائف انتحاك لحقوق الانسان
ذبح و قتل و تشريد
لو سلط الله علينا ما يصلطه على اليابان من زلازل و براكين و ما على امريكا من فيضانات و اعاصير
لكان العرب قد تخلفوا عن العالم مئة سنة اخرى
ارى ان العرب هم المتضرر الوحيد
فنحن من نحل ازماتهم الاقتصادية لنقع في ازمات اخرى
نحن من يخسر و ليس العالم -
تبارك الله عليك شكرا على المعلومة و تابع
-
فعلا كلام منظقي جدا ولو رجعنا بالزمن هنلاقي ان كان فيه حروب ومعارك بتصفي اعداد كبيرة جدا من البشر والاسوء من ذلك انها كانت حروب لأسباب تافهة
-
السلام عليكم ورحمة الله وبركآته
فعلاً مثل ما قلت هناك فترات أعنف من ما نحن فيه حالياً ، موضوع سياسي وفكرة رآئعة
هناك العديد من الثورات في السابق مثلاً , : الثورة الإنجليزية (1642-1660 ) , الثورة الأمريكية(1775-1783) .. وهناك ثورات أخرى مثل الفرنسية والثارة العربية :hammer_pick:
-
موضوع جميييييل جدا
تشكر عليه
استمر -
في افادة في الموضوع ,, تشكر عليها .
و طبعا كلامك كله منطقي 100% . -
شكرا جدا علي ردود الفعل الايجابيه ,, وانا حاولت اذكر ابشع الجرائم مش ب شكل كبير .. ولاكن هدف الموضوع الاساسي اني اقول ان الوقت الي احنا فيه ده ازهي عصور البشريه .. ولو كنت الماني او صيني او حتي من الصومال كنت هبقا سعيد جدا والله لاكن للاسف انا مصري ..
@izzagar
الحقيقه الزلازل من وجهه نظري مش تسليط من الله ولا حاجه دي بتحصل بسبب بعض المشاكل ف الارض واكيد له دليل علمي .. لاكن ف كل الاحوال .. هديك مثال بسيط .. فيه زلازل حصل ف اليابان عام 2009 بقوه 9 ريختار .. قتل حوالي 250 شخص ده غير الاصابات .. زلازل حصل ب قوه 2 ريختار ف مصر عام 1992 راح قصاده الاف الضحايا .. ده بيكون تخطيط دوله للبنيه التحتيه .. يعني باختصار لو انتا ماشي بما يرضي الله وبتراعي ربنا ف شعبك حتي لو جيه زلازل مش هيروح ضحايا كتير وده بيوضح الفرق .. ومتنساش ان ربنا بينصر الدوله العادله ولو كان الذي في داخلها غير مسلمين .. العدل هو الاساس .. وبعديه المحبه بين الناس .. وبعدها نقدر نتكلم ف الدين او السياسه او اي حاجه تحب تتكلم فيها ده باختصار يعني .. وشكرا ل ردك -
عصر قانون الغابة ، القوي يسيطر
-
@marccinho مفيش كده .. النهارده بقا فيه حقوق تحمي الاقليات .. بس احنا عرب .. ملناش حقوق ف بلادنا ولا بره بلدنا او يمكن مش العرب كلهم .. باستثناء دول الخليج .. اما باقي العرب بلح .. انما لو انتا ف اي دوله ف العالم بتراعي حقوق شعبها كنت هتاخد حقك حتي لو ضعيف : )