T.N.K - 2017
-
@علاوي-عاشق-التحدي المدرب الى عاوز يفوز بالبطوله مش بينظر الى ان المنتخب ده زايد عنه فى القيمه بمليون ولا اتنين ولا خمسه حتى ... التكتيك هو الى هيفرق , والمنتخبات متساويه يعنى ممكن فى تواصل التدريب تبقى اعلى قيمه .. بس القيمه عمرها ما كانت مقياس لقوه المدرب , تكتيك المدرب هو المقياس فقط ..
كل قرار بيتاخد ف البطوله بيكون مدروس من قبل المنظمين وكل قرار عادل بين كل المدربين
لذلك لا داعى لاى اعتراض لان مفيش حاجه هتتغير ف القوانين
بالتوفيق لك -
@xxxxxx_98
حبيبي انا ماعترضتش على حاجة وسبق وقولت ان المدرب الكبير مش هيفرق معاه 5 او 10 مليون في قيم الفرق
انا الي كنت مستغربه بس هو ان باورات الفرق في الدوري دا غير متساوية وفيه فرق مفيهاش ارتكازات او باكات او الهجوم كله رآس حربة
انا ماعترضتش على حاجة لعلمك انا بتناقش وبتكلم عادي ، كونك فهمت إني بعترض ف دي حاجة ترجعلك لكن انا صاحب الرد احب اقولك اني مش بعترض خااالص ، وكونك برضه انك بترد ع جزئية واحدة وهي قيمة الفرق على الرغم اني موضح ان قيم الفرق ف النهائي مش مهمة المهم هو اختلاف الفرق ووجود فرق متكاملة بشكل مخيف عن فرق أخرى من ناحيه مراكز اللاعيبه وتجاهلك للجزئية دي يدل على انك عاجز عن الرد عليها لانها فعلاً هتمنح فرق عن فرق افضلية ودا غير عادل.
ـ
لما فريق يبقا فيه كل المراكز سواء باكات او ارتاكازت او لاعيبة وسط شاملة وهجوم اجنحة وسسترايكر وكله ، يلاعب فريق مثلا مش معاه ولا إرتكاز وكل وسطه نص هجومي ، تتوقع ان مش هيبقى في افضلية والتكتيك هو الي هيحسم؟ لاياراجل !!!!! -
@علاوي-عاشق-التحدي فيه حاجه اسمها قدرة المدرب علي التكيف مع اللعيبة اللي عندو والمدرب القوي اللي بيلعب بكل الخطط مش عشان انتا فريقك فيه باكات هجوم يبقا العب ب 433 واحطهم اجناب بس لاء ده خبرة وذكاء علي انك توصل اللي للتشكيل الاقوي لفريقك بس / كلامك مش منطقي ابدا (المدرب القوي بيلعب بكل الخطط )
-
@صلي-علي-طه-الامين
ودة رد واحد مش عارف هو بيقول إيه ملناش دعوة بيه ..
ـ
زي ما المدرب بيقدر يتكيف مع اللاعيبه ياعم المتكيف ، فيه خطط مابتنفعش غير داخل ارضك فقط
لو انا التيم بتاعي مثلا متظبط ع 433
وبلاعب خصم قوي جدا برا ملعبي ، هلعبله 433 برضه ولا اشد ع 4231 ؟
الموووضوع مش تكيف واني عايز العب بخطة واحدة ولا الكلام دة انا ممكن اخلص دوري ولاعب ب 5 خطط.- الموضوع مش موضوع باكات فكك مالباكات الدفاع برقعه بأي حاجة بيشتغل
اهم حاجة خط الوسط ، هخط لاعب وسط مهاجم في خانة الإرتكاز مثلاً ؟؟؟؟؟؟ هيعرف يدافع ولا هتسوح
رد ياعم التكييف.
- الموضوع مش موضوع باكات فكك مالباكات الدفاع برقعه بأي حاجة بيشتغل
-
كمان انا مش بهاجم بالدفاع ف 433 عشان ابقا عايز الباكات هجومية
حضرتك عارف انت بتقول إيه ؟؟ -
احنا مالنا بيك احنا بنتكلم وبنوضح للعامة ومما تتاهل اصلا ابقا فكر في المستقبل
-
انا لاعايز اعمل مشاكل ولاحاجة انا باتكلم عادي وكنت قفلت الموضوع وقولتان المدرب الكبير بيلعب بأي حاجة رغم تحفظي ع اختلاف طاقات اللاعيبه ومراكزه من فريق لأخر وسكت
جه عمَ المنظم المتحمس وفتح الموضوع تاني وقام قايلي نفس الكلام الي قولته قبل كدا ( المدرب الكبير بيلعب بأي حاجة ( !!!
طب إيه الإضافة ؟ -
@صلي-علي-طه-الامين
هتأهل ياصاحبي بعون الله ماتقلقش ، ركز انت بس مع الواد المكنة ف مجموعتك الي بيكسب جوا وبرا دا ومحدش عارف يتعادل معاه حتى ، ركز معاه وسبني انا اركز في مجموعتي. -
@علاوي-عاشق-التحدي الواد المكنة دة هينزل قريب يا شبح
-
ولو مش عاجبك المنظم المتحمس استقيل
-
@صلي-علي-طه-الامين
هو دا الي عرفت ترد عليه ؟ هههه كوميديان فشخ اقسم بالله!
ليه ياحبيبي لو مش عاجبني المنظم استقيل ؟ مع اني مقولتش انه مش عاجبني انت بتقولني كلام ماقولتوش ، لكن ولو مش عاجبني استقيل ليه؟ -
اول مرة أشوف واحد بينظم بطولة بيستقيل منها !!!
والاغرب حجته إنه إعتزل!
طب لما انت عارف انك هتعتزل دخلت الدوري ليه ؟ والأغرب هو التزامن المخيف فإنه قرر يعتزل وبترتيبه المفجع في الدوري ، احلو الإعتزال دلوقتي ، xD
صدفه غريبة ، سبحان الله ..
-
@SINISTER4
لول. ماترسوا ع بر يااخوانا هو أعتزل ولا عنده ظروف!
انت بتتكلم أكنه أي مدرب فالبطولة عادي ، لكن تيجي من المنظم كدا ف غريبة حبتين بصراحه
والأغرب كمان انك بتقول انه ماستقالش عشان الترتيب ، يعني لو كان الأول كان هيستقيل ، لول كمان xD
انت بتتكلم اكنه ف المركز الخامس وفارق بـ 6 نقط فقط عن مركز 4 والمؤهل للدور التاني
يابني دا ف مركز 10 وسابقه جيش من المدربين وفريقه ميت معنوياً وبندياً وتطويرياً ، الموضوع مش فرق 6 نقط بس شوف كام واحد معديه وبينافس.
ولو حتى شيلنا كل دا واعتبرنا انه فارق ب 6 نقط ومفيش حد سابقه وه ومركز 5 هو وفارق ب 6 نقط عن المركز الرابع
من امتى فرق 6 نقط بقى بسيييييط جدااااااااااااااااااااا زي مابتقول؟
ماتضحكوش على نفسكم ياخوانا.
ـ
وأما بالنسبه لموضوع الإلتزام بمجموعتي ف انا ملتزم جداً ماتقلقش ، حاول تلتزم وتركز إنت راخر في مجموعتك ، وتركز كدا وماتعملش خشونة والحكم احمر ولما ينطرد منك 2 ويتحسب عليك 10 بلنتيات تيجي تقول هنا و تعلق الموضوع على سوء الحظ الغريب الي بيصادفك!!!!! -
يا بني ادم افهم بقي ولا انت مبتفهمش ، ده كلامك : اول مرة أشوف واحد بينظم بطولة بيستقيل منها
وانا برد عليك بقولك الراجل اعتذر وانا قبلت اعتذاره ، انت لا تعلم ظروف الناس ودواخلهم
وانت جاي تقولي : لول. ماترسوا ع بر يااخوانا هو أعتزل ولا عنده ظروف!
اكيد اعتزل علشان عنده مشاكل اكيد ولا انت بتتكلم وخلاص
انت مين علشان تحاسبه ، انت مجرد عضو مشارك ف البطوله متتكلمش كتير ومتدخلش ف اللي ميخصكش
- اني منظم للبطوله يعني مطلع ع جميع المجموعات ، خليك انت ف حالك واحفظ الكلام لنفسك علشان اقسم بالله زهقت منك
-
This post is deleted!
-
يحذف ردك + انذار ..
ارجو من الجميع الالتزام فهناك منظم للبطولة ويستطيع ادارتها وهو الوحيد المسئول عن اتخاذ القرارات ..