تغطية البطولة الإفريقية | كــان 2017 |
-
ي رجاله لو حد يبعت لينك نضيف لماتش مصر خاص علشان مكسل انزل
-
@المدرب-مزيكا ما رح ارسله لك بالخاص الفيس هوهوهوهوو
-
1/0
الله عليك يابو صلاح
-
شوط أول كويس للمنتخب وخرجت منه بما أرادته رغم أن غانا لم تكن في أفضل حالاتها وتقدم مباراة متواضعة للغاية ، الشكل الدفاعي مميز كالعادة بقيادة الثلاثي طارق حامد وحجازي وجبر ، فتحي يقدم مباراة جيدة جداً حتى الأن امام ايتسو خاصة مع مساندة ترزيجييه المميزة دفاعيا وواجباته التي يقدمها بشكل رائع
-
@special-yousef
بعشق انا التكنيك اللى شاط بيه الفاول و جاب بيه جون .. تكنيك ال "زربوو" ... بعيدا عن علوقيه ركن الكورة و لف الكورة و شغل الفن التشكيلى دا xD -
@Ancellini said in تغطية البطولة الإفريقية | كــان 2017 |:
كفايه استفزاز وسيب الناس في حالها شوية , اللي بيته من قزاز ميحدفش الناس بالطوب وآديك شايف الكابتن كوبرالعبقري , لايمها بقا!
بغض النظر عن الماتش اللي شغال دة ونتيجته ، كوبر عبقري فعلاً ، شوف وقفة لاعيبة مصر ف الدفاع ومكان كل لاعب والمسافات الضيقة بين الخطوط وانت تعرف انه غبقري ، ويعني ايه شغل مدرب كبير
اصل الموضوع مش ترقصتين وجول ـ اللي مابيستمتعش بالتكتيك الدفاعي والضغط العالي وتمركز اللاعيبه مشجع كورة مستجد. -
فوزنا النهارده باذن الله هيخلينا نواجه المغرب بقياده مدربهم العبقري رينارد ده غير العقده
ان شاء الله مواجهه للاشقاء المغاربه الي انا بحبهم لله ف لله وربنا يعلم .. وان شاء الله نفوز برضو -
لاعيبه غانا بيكسحو ف لاعيبتنا يارب تموتو
-
مصر المنتخب الاول عربيا .. يصعد ك اول مجموعته بعد فوزه علي غانا بهدف احسن لاعب عربي محمد صلاح ويكون اول منتخب عربي يصعد ك اول مجموعته بعد خروج الجزائر من دور المجموعات وصعود تونس ك تاني مجموعته وصعود المغرب في المركز التاني ايضا .. وبالتالي مواجهه منتخب مصر ومنتخب المغرب نتمني مباره قويه وان شاء الله فوز مصر
-
مبروووك مصر 1-0 غانا
(محمد صلاح(الهدفمصر الحبيبية ربحت مبرووك اصدقائي
@Ancellini @boskovice @SINISTER4 -
مصر تفوز على غانا مع كوبر للمرة التانية على التوالي وتتصدر مجموعتها . مصر هي المنتخب الوحيد من بين 16 منتخب مشاركين في ال CAN اللي لم تستقبل اي اهداف في دور المجموعات . كوبر يتحدث عن نفسه كوبر, اعاد لمصر كرامتها الكروية
-
افرام جرانت لساله معانا ماتش كمان و يشهر اسلامه
-
@علاوي-عاشق-التحدي said in تغطية البطولة الإفريقية | كــان 2017 |:
افرام جرانت لساله معانا ماتش كمان و يشهر اسلامه
ههههههههه انا شمتان ف الراجل ده كان بيقلل من مستوي مصر ويقول ايامهم راحت .. اتحط عليه ف التصفيات بتاعت المونديال وفي البطوله اهو وهيتحط عليه كمان ان شا الله ف نهائي البطوله
-
مبروك لمصر , بس لازلت عند رأيي , خصوصاً , إنك الهجمة المرتدة مبتطلعش صح , التنظيم الدفاعي ممتاز , والرجولة عالية , لكن مش عارف تنقل لنص ملعب الخصم بشكل فعال ..
حظنا إننا هنلاعب المغرب المباراة القادمة , والتي تجيد الهجمة المرتدة , رغم وفرة النجوم أكثر في منتخب مصر , إنما التحدي الحقيقي بين فريقين جماعيين بنفذوا هجمات مرتدة وكرات ثابتة ..
-
إفتكروا مثلاً زمان المنتخب والأهلى (أيام جوزيه) كانوا بيهدوا اللعب إزاي وينقلوا كورة كتير وهما متقدمين , دا كان بيرفع الثقة عند اللاعبين , لدرجة ممكن 32 تمريرة متتالية , وهجمات مرتدة بأهداف محققة , السؤال , هل ما زال المنتخب بنفس مستوي التحكم بالرتم , ولا بنشوف كرات طويلة كتير وتطفيش ولعب باكاتي ؟؟
-
@Ancellini said in تغطية البطولة الإفريقية | كــان 2017 |:
مبروك لمصر , بس لازلت عند رأيي , خصوصاً , إنك الهجمة المرتدة مبتطلعش صح , التنظيم الدفاعي ممتاز , والرجولة عالية , لكن مش عارف تنقل لنص ملعب الخصم بشكل فعال ..
حظنا إننا هنلاعب المغرب المباراة القادمة , والتي تجيد الهجمة المرتدة , رغم وفرة النجوم أكثر في منتخب مصر , إنما التحدي الحقيقي بين فريقين جماعيين بنفذوا هجمات مرتدة وكرات ثابتة ..
الفكره ان المفروض النني الي يقوم ب دور انه ينقلنا من ورا ل قدام والنني لاعب فاشل جدا في الموضوع ده وانا معترف انه افشل لاعب في المنتخب .. هو لو عاوز ينقل الهجمه من تحت ل قدام ويلعب ع المرتده المنظمه يلاعب عبدلله بدل النني ويلعب ب 3 تحت مروان وهما صلاح مهاجم تاني والاجنحه رمضان وتريزجيه او كهربا وتريزجيه وبالشكل ده انا متاكد ان هيكون لينا شكل منظم 100% .. لاكن واقعيا كوبر عبقري ويعرف ياخد الي هو عاوزه من الماتش ولو بصينا للجانب الايجابي ف ده بالنسبالي احسن ماتش لمصر ف البطوله واحنا المنتخب الوحيد ف البطوله الي مدخلش فينا ولا جول ف دور المجموعات
-
النني لاعب وسط دفاعي مساند , مش فاشل على فكرة , بس مينفعش لخطة مصر , عبد الله السعيد قصير وجسمه وسنه أضعف من أنه يلعب وسط مدافع , لو أحمد فتحي وسط ملعب , والمحمدي يمين , و كريم حافظ (عمر جابر) شمال لأن شيفو إتصاب , ممكن يكون أحسن , إلا إذا النني إسترجل شوية وبقي أسرع في نقل الكورة , وعلى فكرة النهاردة مكانش وحش , شغال يعني , فتحى هو اللي ممكن يشيل الوسط بمجهوده ..
كهربا يقدر يلعب مهاجم صريح , هيكون مفيد في الهجمات المرتدة , بس مروان محسن محطة مهمة , حسب اللي بتلاعبه , يلعب واحد منهم أساسي .. رأيي ..
-
@Ancellini
فتحي لازم يتحول للاعيب وسط عشان مجهوده فعلاً وجنبه طارق حامد بس ساعتها مفيش خد هيعرف يبني الهجمه ، بس دا مش مهم لاننا مش بنبني هجمه عدله اصلاً
كهربا بلاش راس حربه لعبها ف الزمالك السنة اللي فاتت وكان بيجبلنا بروستاتا وبيقع فالاوفساد كتير ،ممكن يلعب SS لكن راس حربه لا بيكون ملط
ممكن كهربا يلعب مكان صلاح عشان هو الوحيد اللي فالمنتخب اللي بيلعب انسايد رايت واشول غير صلاح وماتاخدش، وصلاح يحش جوا و يلعب راس حربه ، ورمضان بدل السعيد ، وتريزيجيه انسايد ليفت
اظن دة انسب تشكيل لينا -
@Ancellini
حركة التمرير الكتير المتتالي والتلاعب بالخصم بتنفع بس لو انت متقدم ف النتيجة + حصمك مش بيلعب ضغط عالي عشان لو بيلعب ضغط عالي هيضغط وهيقطع الكرة بسهولة