تغطية البطولة الإفريقية | كــان 2017 |
-
مصر تفوز على غانا مع كوبر للمرة التانية على التوالي وتتصدر مجموعتها . مصر هي المنتخب الوحيد من بين 16 منتخب مشاركين في ال CAN اللي لم تستقبل اي اهداف في دور المجموعات . كوبر يتحدث عن نفسه كوبر, اعاد لمصر كرامتها الكروية
-
افرام جرانت لساله معانا ماتش كمان و يشهر اسلامه
-
@علاوي-عاشق-التحدي said in تغطية البطولة الإفريقية | كــان 2017 |:
افرام جرانت لساله معانا ماتش كمان و يشهر اسلامه
ههههههههه انا شمتان ف الراجل ده كان بيقلل من مستوي مصر ويقول ايامهم راحت .. اتحط عليه ف التصفيات بتاعت المونديال وفي البطوله اهو وهيتحط عليه كمان ان شا الله ف نهائي البطوله
-
مبروك لمصر
, بس لازلت عند رأيي , خصوصاً , إنك الهجمة المرتدة مبتطلعش صح , التنظيم الدفاعي ممتاز , والرجولة عالية , لكن مش عارف تنقل لنص ملعب الخصم بشكل فعال ..
حظنا إننا هنلاعب المغرب المباراة القادمة , والتي تجيد الهجمة المرتدة , رغم وفرة النجوم أكثر في منتخب مصر , إنما التحدي الحقيقي بين فريقين جماعيين بنفذوا هجمات مرتدة وكرات ثابتة ..
-
إفتكروا مثلاً زمان المنتخب والأهلى (أيام جوزيه) كانوا بيهدوا اللعب إزاي وينقلوا كورة كتير وهما متقدمين , دا كان بيرفع الثقة عند اللاعبين , لدرجة ممكن 32 تمريرة متتالية , وهجمات مرتدة بأهداف محققة , السؤال , هل ما زال المنتخب بنفس مستوي التحكم بالرتم , ولا بنشوف كرات طويلة كتير وتطفيش ولعب باكاتي ؟؟
-
@Ancellini said in تغطية البطولة الإفريقية | كــان 2017 |:
مبروك لمصر
, بس لازلت عند رأيي , خصوصاً , إنك الهجمة المرتدة مبتطلعش صح , التنظيم الدفاعي ممتاز , والرجولة عالية , لكن مش عارف تنقل لنص ملعب الخصم بشكل فعال ..
حظنا إننا هنلاعب المغرب المباراة القادمة , والتي تجيد الهجمة المرتدة , رغم وفرة النجوم أكثر في منتخب مصر , إنما التحدي الحقيقي بين فريقين جماعيين بنفذوا هجمات مرتدة وكرات ثابتة ..
الفكره ان المفروض النني الي يقوم ب دور انه ينقلنا من ورا ل قدام والنني لاعب فاشل جدا في الموضوع ده وانا معترف انه افشل لاعب في المنتخب .. هو لو عاوز ينقل الهجمه من تحت ل قدام ويلعب ع المرتده المنظمه يلاعب عبدلله بدل النني ويلعب ب 3 تحت مروان وهما صلاح مهاجم تاني والاجنحه رمضان وتريزجيه او كهربا وتريزجيه وبالشكل ده انا متاكد ان هيكون لينا شكل منظم 100% .. لاكن واقعيا كوبر عبقري ويعرف ياخد الي هو عاوزه من الماتش ولو بصينا للجانب الايجابي ف ده بالنسبالي احسن ماتش لمصر ف البطوله واحنا المنتخب الوحيد ف البطوله الي مدخلش فينا ولا جول ف دور المجموعات
-
النني لاعب وسط دفاعي مساند , مش فاشل على فكرة , بس مينفعش لخطة مصر , عبد الله السعيد قصير وجسمه وسنه أضعف من أنه يلعب وسط مدافع , لو أحمد فتحي وسط ملعب , والمحمدي يمين , و كريم حافظ (عمر جابر) شمال لأن شيفو إتصاب , ممكن يكون أحسن , إلا إذا النني إسترجل شوية وبقي أسرع في نقل الكورة , وعلى فكرة النهاردة مكانش وحش , شغال يعني , فتحى هو اللي ممكن يشيل الوسط بمجهوده ..
كهربا يقدر يلعب مهاجم صريح , هيكون مفيد في الهجمات المرتدة , بس مروان محسن محطة مهمة , حسب اللي بتلاعبه , يلعب واحد منهم أساسي .. رأيي ..
-
@Ancellini
فتحي لازم يتحول للاعيب وسط عشان مجهوده فعلاً وجنبه طارق حامد بس ساعتها مفيش خد هيعرف يبني الهجمه ، بس دا مش مهم لاننا مش بنبني هجمه عدله اصلاً
كهربا بلاش راس حربه لعبها ف الزمالك السنة اللي فاتت وكان بيجبلنا بروستاتا وبيقع فالاوفساد كتير ،ممكن يلعب SS لكن راس حربه لا بيكون ملط
ممكن كهربا يلعب مكان صلاح عشان هو الوحيد اللي فالمنتخب اللي بيلعب انسايد رايت واشول غير صلاح وماتاخدش، وصلاح يحش جوا و يلعب راس حربه ، ورمضان بدل السعيد ، وتريزيجيه انسايد ليفت
اظن دة انسب تشكيل لينا -
@Ancellini
حركة التمرير الكتير المتتالي والتلاعب بالخصم بتنفع بس لو انت متقدم ف النتيجة + حصمك مش بيلعب ضغط عالي عشان لو بيلعب ضغط عالي هيضغط وهيقطع الكرة بسهولة -
عبد الله السعيد ضروري يبدأ كل ماتش , لأنه شايف ملعب وبيمرر كويس , وعنده حلول في التسديد والتمركز , ملهاش حل , كل ما تضيف حل هتنقص حل من الحلول , اهم حاجه بس دلوقتي وسط ملعب بمجهود فتحي , بس ع فكرة كل دا كلام نظري , والنني مش هيتعتع من مكانه
-
@Ancellini said in تغطية البطولة الإفريقية | كــان 2017 |:
النني لاعب وسط دفاعي مساند , مش فاشل على فكرة , بس مينفعش لخطة مصر , عبد الله السعيد قصير وجسمه وسنه أضعف من أنه يلعب وسط مدافع , لو أحمد فتحي وسط ملعب , والمحمدي يمين , و كريم حافظ (عمر جابر) شمال لأن شيفو إتصاب , ممكن يكون أحسن , إلا إذا النني إسترجل شوية وبقي أسرع في نقل الكورة , وعلى فكرة النهاردة مكانش وحش , شغال يعني , فتحى هو اللي ممكن يشيل الوسط بمجهوده ..
كهربا يقدر يلعب مهاجم صريح , هيكون مفيد في الهجمات المرتدة , بس مروان محسن محطة مهمة , حسب اللي بتلاعبه , يلعب واحد منهم أساسي .. رأيي ..
اها بس لو شوفت النهارده هتلاقي ان الشويه الي لعب فيهم كهربا ك مهاجم صريح هتلاقيه كان تايه في الاوفسايد .. ومروان مفيد جدا لو اشتغلنا من الاجانب وهيستغل طوله .. للاسف دي نقدر نقول انها مشكله مصر نقل الكوره ورايك صح جدا في موضوع عبدلله .. بس هو البديل الوحيد علشان نقدر نلعب الكوره ب شكل صحيح لاكن لو فضلنا ب النني هنفضل علي طول مش هنعرف ننقل الكوره ب شكل صحيح
-
@Ancellini
عبد الله السعيد مهم طبعا بس مجهوده مش كبير وبيظهر على فترات غير بطئه ، بتحسه بيلعب برجلة واحده
اشوف ينزل شوط تاني افضل لانه واضح انه مجهد عشان مابيتزحزحش من الاساسي ف الاهلي
محمد ابراهيم كان هيبقا له دور مهم جدا الفترة الجايه مع المنتخب
ـ
النني باقي ويتمدد ماتقلقش احنا بنوهم نفسنا بس xD -
لو يلعب 4-3-3 قلوب دفاع على جبر وأحمد حجازي وجناح احمد فتحي ومحمد عبدالشافي
فوقه خط وسط جناح يمين رمضان صبحي واليسار كهربا
وخط وسط مهاجم عبدالله السعيد
مهاجم يمين محمد صلاح ويسار محمود تريزيجية وفي النص مروان محسن
والحارس الحضري -
@mr.afroto
صعب اوي حسام غالي لان بعيداً عن حوار اسامه نبيه كوبر كان صارف نظر عن حسام غالي لأنه واضح من البداية انه بيكوّن جيل جديد بأقل معدل أعمار،
+كمان إن حسام جيد كميدفيلدر كلاسيك، يفيد تشكيلة الاهلي لما يكون في حالته لأن الاهلي اسلوبه هجومي وبيقلب طريقته 4/1/4/1 أو 4/2/2/2 . في مدربين مابيحتاجوش المركز دا ولا يناسب خططهم وبيفضلوا يلعبوا باتنين هولدينج "طارق والنني"ويعتمدوا ع الاتنين انسايد والساكند فرود "وهو دا اللي بيلعب بها كوبر بالفعل -
+1
حسام غالي لاعب ذكي وشايف ملعب , بس عجوز ومبيضغطش كويس زي زمان , وطول عمره بيسرح ويتدلع , ممكن يفكر يرقص في وسط الملعب ييجي أي لاعب يروح مديله ع قفاه وواخدها منه وعامل هجمه علينا , مانويل جوزيه كان رأيه فيه أنه لاعب غير مسؤول , وبصراحة رغم كل مهاراته العالية , طول عمره غلطته والقبر من يوم ما كان ناشئ , الكلام ع فكرة من أهلاوي قديم وفاهم , مش تعصب والكلام ده. -
عارف ان صعب حسام غالي ييجي المنتخب الفترة دي علشان كدة قولت " لاعب بقدراته " يعني بيعرف يمسك كورة وكورته حلوة ودي طبعا احلام وامنيات لان القدرات دي مش متوفرة في اي ديفيندر في مصر حاليا ممكن السولية بس اللي عنده الميزة دي بس اتصاب للاسف ..
-
@mr.afroto
وكمان محمود دونجا العاقل الراسي الراجل الشيك الباسيير اللي بيقطع كورة اللي بيبني هجمة ، اللي يستاهل فعلا كلمة دونجا
كان لازم يتاخد في المنتخب بس كوبر مش بيحب يجرب كتير.
وفيه فريد شزقي بتاع المصري برضه بيقطع كور بشكل عالي وبيبني هجمه بشكل ممتاز ، فيه ارتكازات مسانده كتير فمصر بس كوبر مش بيحب يجرب -
المفاجأة ( أحمد حجازي ) نجم المباراة , يعني جبر وبعده الحضري واحمد فتحي يروحوا يموتوا نفسهم , على جبر بالذات كان أكتر واحد باين في الملعب وفتحي , بس اللي ينقص من فتحي أنه باك مش مساك والماتش مكانش فيه شغل هجومي أوي عشان التقدم المبكر ..