تغطية البطولة الإفريقية | كــان 2017 |
-
مش للدرجة دي , كان فيه فرص كتيرة من المغرب واستحواذ ولعب وكل شئ , كنا رجالة بس هجامتنا المرتدة مش منظمة برضه كالعادة , تقدر تقول بس عدالة السماء , على أيام ما كان عبد الستار وطارق السعيد بيضيعوا اجوان زي الرز , وييجي مصطفى حاجي يقوم لادع واحده في الشبكة , الصبر جميل فعلاً
-
احنا بتوع ربنا
ك اداء ف اداء كوبر اصبح معروف ومفييش تقييم ك العاده اسلوب الواقعيه تحكم قفل كويس هتكسب
-
كريم حافظ غلط جدا انه اخد مباراة زي دي .. هو ادى كويس في مباراة تونس الودية بس الرسمي غير الودي ..
اما كوكا انت جربته كتير في وديات وكان اداؤه وحش جدا مش عارف انا ازاي مفيش مهاجم بديل لمروان في بطولة زي دي ؟!
نص الملعب كان محتاج فعلا لابراهيم صلاح ، وانا استغربت التشكيل جدا لما عرفته .. ربنا يسترها في اللي جاي !
-
@Ancellini said in تغطية البطولة الإفريقية | كــان 2017 |:
كريم حافظ انضم ليه طالما ناقص خبرة بالشكل ده - ابراهيم صلاح ملوش دور ليه مع انه لاعب راجل وبيسد - عمرو وردة لازمته أيه في القايمة - كوكا ده محترف فعلاً ؟؟
ابراهيم مع طارق في نص الملعب هيعملو لينا عقم وشلل هجومي كبييير !!
زي ما حصل النهارده ف الشوط الاول فتحي وطارق مع بعض ازاي !! -
بجد والله فيه حاجه مش طبيعية فعلاً , الراجل ده ربنا بيعوضه عن كمية سوء الحظ اللي شافها في حياته في النهائيات , مع منتخب مصر , فيه قتال ورجولة , بس الإجوان بتيجي ببركة ربنا فعلاً , وربنا بيسترها معانا في هجمات كتير علينا ..
-
ابراهيم صلاح في الوسط وفتحي باك شمال ده القصد لان النني اتصاب فده كان الحل الامثل مش العك اللي حصل ده !
-
@Ancellini مهو انه يعوضها مع مصر ده شيء ايجابي لينا وباذن الله ناخد البطوله
وانا متاكد 100% لو فضلنا بنفس الشكل ده وصعدنا للمونديال هنوصل ل دور كويس -
ابراهيم ما يبدأش , ينزل شوط تاني بعد ما أكتشفت فشل الإختراع إللى إسمه كريم حافظ , دا حتى صبري رحيل واثق من نفسه أكتر ..
-
@mr.afroto said in تغطية البطولة الإفريقية | كــان 2017 |:
ابراهيم صلاح في الوسط وفتحي باك شمال ده القصد لان النني اتصاب فده كان الحل الامثل مش العك اللي حصل ده !
معاك حق .. لان كريم كان عاملنا شوارع دفاعيه وراه وكان بيلعبو عليه كتير جدا
بس هو فعلا اصابه النني عامتا ف ماتش زي ده اثر علينا للاسف -
@Ancellini said in تغطية البطولة الإفريقية | كــان 2017 |:
ابراهيم ما يبدأش , ينزل شوط تاني بعد ما أكتشفت فشل الإختراع إللى إسمه كريم حافظ , دا حتى صبري رحيل واثق من نفسه أكتر ..
المشكله ان كريم ده محترف هو وكوكا اموت واعرف ازااااي !!!
بس فكره انه ينزل كهربا ويرجع فتحي باك وينزل عبدلله خط نص دي ذكاء ومخاطره منه عجبتني وتقريبا هيا الي كسبتنا الماتش وحسنت ادائنا اخر ربع ساعه -
وجوده وسط مدافع ساعدنا هجومياً أكتر عشان عبد الله بيقرا ملعب كويس وبيعرف يوزع لعب , إنما جسم عبد الله ومعدله البدني مينفعش أبداً هاف ديفيندر , انت لعبت عالمغرب لما كانت خلصت باور وجابت جاز , بعد ما فضلت ضغطاك طول 30 دقيقة شوط تاني ..
-
مبروك لمنتخب مصر وهردلك للمغرب والحمدلله إن كريم حافظ طلع قبل ما اتشل
-
@Ancellini
كريم حافظ مش عارف هو ضمه ليه اصلاً ومحدش يعرف !!
كان لازم ياخد محمد ناصف بداله عالأقل لعب دور اول مع الزمالك وكان ممتاز جداً وبديل عالأقل ، مع انه احسن من عبد الشافي الأساسي اصلاً
وكمان ناصف انضم لاكتر من معسكر مع المنتخب مش معدوم الخبرة زي كريم حافظ مثلاً ، وكوبر ضمه كمان قبل كدا ولعب ماتش ليبا وعمل اسيست فالجول التاني
اختيار غريب الصراحه!
إبراهيم صلاح كويس جداً في الهولدينج لكن ف البوكس تو بوكس كارثي ، لعبها معانا ف اواي نهائي كاس افريقيا مع الزمالك وغرقنافالماتش لكن هو كهولدينج وبديل كويس ، على الرغم من انه فيه احسن منه بكتير زي دونجا الي مش عارف ماتاخدش منتخب ازاي.عمرو وردة دا حاجة رقيقة فشخ يلعب بولينج اسكواش استيمشن باليه مائي اي حاجة كيوت ومفهاش فرهدة كدا عشان صحته ، انا مش عارف هو اتاخد منتخب ازاي ومين الي فكر فيه !!! واحد زي مؤمن زكريا او وليد سليمان او حتى شيكابالا كان هيفيد المنتخب جدااا عنه ، وبالذات مؤمن لما ينزل بديل.
كوكا يعتبر مهاجم كويس لو لعب ف مركز 9 ، اعمله اوفرات كويسة هيشتغل واديله انفرادات هيخلص ، لكن غير كدا ملط الملط
نوعية المهاجم الصندوق دي انقرضت من فترة اصلا ، المشكلة انه ملوش دور مع المنتخب ولما بيلعب مش بيأدي كويس لاننا منتخب الانساديات فيه بتدافع مع الباكات ف مفيش حد هيوصله كور لازم يسقط وينزل لتحت.، ينفع معانا مهاجم متحرك مشاكس ومزعج وبيسقط كتير وطبعا مستحيل تتوافر الصفات دي ف كوكا
الحقيقيه فيه اختيارات كتير غلط في القائمة بتاعه المنتخب بس احنا متكتفين ومش عارفين نتكلم لان الراجل بيكسب ! -
بالتوفيق لعرب أفريقيا
-
@Ancellini
المغرب استحوذت فعلاً على الماتش كله تقريباً ، بس هو دة اسلوب لعب كوبر والله مش عشان المنتخب ضعيف او التكتيك بتاعه مش قد كدا ، هي دي طريقه لعبه ارمي الكورة لخصمك والعب عالكونتر اتاك ، العيب الوحيد ان الهجمة المرتدة معانا مش بتتنفذ صح وغالبا بتبقى غلط ، بس هتتحسن تقريبا مع الوقت ،اتمنى ذلك.
انا اعرف مدربين بيدوا الخصم ركنيات كتير عليهم علشان الخصم كله يزيد ف منطقة الـ18 بتاعتهم ويقعطوا الركنية ويعملوا هجمة مرتدة سريعه ،
دا اسلوب اللعب بتاع منتخبنا ولازم نتعايش عليه ، لكن احنا مش بندافع مش لضعفنا ولاحاجة.
ـ
احنا الماتش الجاي عندنا بوركينا فاسو والمنتخب دا تقريباً نسخة مننا ، دفاع قوي فشخ ومنظم ومدرب كبير زي دوراتي ، الفرق ان هما عيال فرافير وصغيره كلهم 19 و20 سنة ، ومش بيتعبوا والهجمه المرتدة بيعملوها بسرعه مخيفه ومتدربين عليها كويس
هيكون اختبار فعلا لـ منتخب بيلعب بنفس اسلوب لعبنا واحسن كمان في الهجمة المرتدة. -
ناصف ممتاز فعلاً , وعنده ثقه في نفسه وكمان بدنياً أقوى من عبد الشافي , الصراحة من اللاعيبة إلى إتمنيت يظهروا من زمان في الأهلي أو الزمالك وبالتالي المنتخب , لأنه طوله وجسمه معقول ولاعيب كويس بيبذل مجهود ..
-
@Ancellini
اها بالظبط ، عيبه انه بيسرح ساعات ف أخر الماتش ، + ان وزنه بيزيد بسرعه ، عامل زي اسامة ابراهيم اللي كان معاه ف إنبي بالظبط نفس العيوب.
لكن ناصف كباك في المجمل ممتاز جداً ولاعيب كورة كمان مش مجرد موظف بيشتغل بمرتبه. -
@ميسي-الاسطورة10
بعد اقصاء الكونغو اليوم .. قلبت الطاول عليك انت فقط ض1 -
شوط اول كان لعب في وسط الملعب .. و جس نبض المنتخبين .
الشوط الثاني .. اسحواذ للمغرب بدون فائدة .. محاولات كثيرة بدون فائدة للاسف .
عندما تضيع كثيرا يسَجل عليك اخييرا .. من خطا دفاعي بليد من لاعب يوفنتوس ..
سجل البديل كهربا هدف قاتل .. على العموم مبروك لمصر .. عرفت تجاري اطوار المباراة ..
و الكان مصري .